» المسير نهاري في وادي قلعة بني قحطان » أضيفت بواسطة admin
مسير نهاري في وادي قلعة بني قحطان مروراً بوادي الملوك يوم الجمعة 30 \ 4 \ 2010
مسير استكشاف و تفاعل ..
الأهداف الرئيسية :
1. استكشاف منطقة طبيعية جديدة لم يسبق للمشاركين أن مروا بها و التعرف عل كل مكوناتها
2. خلق جوّ مناسب للتفاعل و التواصل بين المشاركين مع تنوع خلفياتهم الاجتماعية و العلمية و الثقافية و المهنية .
3. الاستمتاع بيوم عطلة في بيئة نظيفة بيعدة كلياً عن أشكال التلوث و مشاغل الحياة اليومية و همومها .
4. ممارسة رياضة المشي .
وصف مختصر للمكان :
تبين من خلال طلعة الاستكشاف التي نفذتها الجمعية أن الوادي الذي سيخترقه المشاركون غني جداً بالتنوع الحيوي فقد لوحظ وجود العديد من الأنواع النباتية المهددة بالانقراض من بينها زهرة الأوركيد الأناضولي إضافة إلى الأسماك و السناجب و أنواع الصقور .
يتخلل الوادي تشكيلات صخرية جميلة و يغذيه عدد من الينابيع على ضفتيه حيث تكثر سراخس الكزبرة الرائعة و تترقرق مياه تلك الينابيع مشكلة جداول تسكنها الأسماك و الضفادع و سرطانات الماء العذب .
التجمع في كراجات جبلة : 8:00
الانطلاق من مدينة جبلة 8:15
الوصول المتوقع إلى القلعة 9:00
تجول في منطقة القلعة و جلسة قهوة صباحية على أحد المروج الخضراء بين أنقاض القلعة حتى الساعة 10:30
مسير مسافة 1 كم تقريباً على طريق معبد وصولاً إلى الوادي …
بداية مسير الاستكشاف في الوادي 11:30
استراحة الغداء من 12:30 إلى 13:30
حفلة شاي مع حوار مفتوح 13:30 إلى 14:30
فترة تعارف من 14:30 إلى 15:30
فترة حرة للاستكشاف من 15:30 إلى 16:15
متابعة المسير ضمن الوادي حتى 16:15
الوصول المتوقع إلى وادي الملوك : 17:15
فترة تجول ضمن مشروع منتجع وادي الملوك , الانطلاق إلى مدينة جبلة الساعة 18:00
لوازم المسير :
وجبة الغداء – كوب لشرب الشاي – عبوة ماء 1,5 لتر
حذاء إضافي ( في حال الاضطرار للمشي بالماء )
رسم الاشتراك : 200 ل.س على الأكثر
تفاصيل إضافية :
1 – من الممكن أن تكون وجبة الغداء سمك مشوي لمن يحب على أن يصطحب معه شباك مخروطي ذو ساق لصيد بعض الأسماك الصغيرة من جداول الوادي.
2 – السباحة ممكنة في بركة صغيرة بجانب المكان الذي ستنفذ فيه الاستراحة الرئيسية. لذا يمكن لمن يحب اصطحاب لوازم السباحة معه.
3 – السير في الماء ممكن وليس إجباري، ويفضل في هذه الحالة أن يحمل معه المشارك حذاء مفتوح ( شحاطة أو صندل ) للتبديل أثناء السير بالماء.
التسجيل :
يوم الثلاثاء 27 \ 4 \ 2010 من الساعة 8 مساءً و حتى 9:30 مساءً على هاتف الجمعية 041815677
-
-
-
-
-
-
-
كلمات مفتاحية : مسير, مسير, وادي الملوك, وادي قلعة بني قحطانوجبة الغداء – كوب لشرب الشاي – عبوة ماء 1,5 لتر
حذاء إضافي ( في حال الاضطرار للمشي بالماء )
رسم الاشتراك : 200 ل.س على الأكثر
يوم الثلاثاء 27 \ 4 \ 2010 من الساعة 8 مساءً و حتى 9:30 مساءً على هاتف الجمعية 041815677
» ضمن تصنيف مسير في April 22, 2010.
تعليقات
47 عدد التعليقات على “المسير نهاري في وادي قلعة بني قحطان”
أضف تعليق:
طبيعة بلا حدود
طبيعة بلا حدود-
منوعات
تحية طيبة الى الجميع
أرجو أن يكون الجميع بخير و يقضون وقتا ممتعا أينما كانوا
الجميع يترقب نشاط الجمعية القادم و الذي أتمنى ان يكون ممتعا و لكن نحن ننتظر بنفس الوقت التفاصيل عن المشوار كما قدمتها أنا في المشوار الخاص بفريقنا في طرطوس و ذلك للبت بمشاركة الفريق و اصدقاؤه في هذا النشاط
و لكم مني كل التمنيات بالمحبة و الشكر للقائمين على العمل الجاد في هذه الجمعية
اخ حازم ممكن تفاصيل اكتر
تكرم عيونك يا حسن
إن شاء الله بعد استكشاف خط المسير( في غضون يومين) ستجدون التفاصيل الأوفى
يسلمووو حسام عهل المعلومات الحلوة والمفيدة .. ويا ريت خالد او حدا من المشرفين ينقلوها عقسم خاص أومقالة مستقلة كونو هادا المحل مخصص لاخبار المسير القادم وتفاصيلوو يلي ناطرينا من حازم بعد طلعتو الاستكشافية ..
هناك اشخاص لابد من الانحناء لثقافتهم لك كل الشكر ياحسام اغنيتناو اثريتنا
شكرا عالمعلومات حسام ويا ريت هيك مقالات ينفرزلا قسم خاص لان هون ممكن مو الكل يوصلا ويطلع عليا
وتحياتي لميس من زمان والله اشتقنا
شكراً لك حسام … وحبذا لو تذكر المصادر لمن يريد التوسع في الاطلاع
وحبذا يا خالد لو نعمل برأي علي خضور وريما غانم وذلك بأن تنقل هذه المعلومات إلى مكان آخر ومستقل وتشير إليه في الصفحة الرئيسية بعنوان متوافق مع المحتوى
سلام للجميع…
التفاصيل الوافية عن المسير مع البرنامج وبعض الصور التي تقدم تصور مسبق عن المكان ستجدونها اليوم، الساعة 2:30 ضهراً(بناءً على خالد)
وللعلم تعدل موعد التجمع وأصبح 8:00 في كراجات مدينة جبلة.
خالد إقرأ بريدك لو سمحت هناك تفاصيل إضافية غير التي أرسلتها لك مع الـCD
المعذرة من الجميع
تأخر تحميل المعلومات الجديدة نتيجة خطأ بسيط….
إن شاء الله ستكون المعلومات جاهزة قبل الساعة السابعة
شكرا لكم جميعاً
السيد علي خضور – الآنسة ميس سلمان – ( الحاضرة بغياب ريمااااا ) – السيد حازم سليمان
شــــــــــــكراً على ما تفضلتم به ……
وهو دليل على نضوج فكري ومعرفي
انحني بتواضع لكم جميعاً
وعليه سأخبركم …
منذ فترة زمنية ليست بالبعيدة أعمل على مشروع لتغطية
الإرث الحضاري إضافة إلى مناطق الاصطياف
على امتداد جغرافيا عمل جمعية طبيعة بلا حدود
لذا صبراً جميلاً يا سادة
ما احتاج منكم الصبر والتشجيع
دمتم بخير
حســــــام ســــــليمان
ســــــــــوريا
هي اكيد قبل الساعة السابعة بس شكلو مو اليوم او عالاقل مو السابعة مساء لانو هلأ صارت شي 9 مساء
.. يلا موفقييين ومنشوفكون الجمعة
ظلمناكوون هالمعلومات والصور بتستاهل هالنطرة شكرا خالد وحازم ومنشوووفكوون
بالنسبة للتأخير فهو خارج عن إرادتنا تماماً .. و اللي فيه بيساعد لعدم حصوله مرة أخرى فأهلاً و سهلاً به ..
بالنسبة لردود حسام سليمان فيشكر عليها و سيتم فصلها في موضوع مخصص لها .. و قريباً سيكون لدينا حلة جديدة و و و … إلخ في الموقع و سيكون بإمكان الجميع المشاركة
و منشوفكن يوم الجمعة
مرحبا شباب
الصور عم تحكي لحالها عن المسير
نزداد فخراً بهكذا مسير ، وهكذا اهتمام بالطبيعة ، وبأمثالكم تتوسـّع مداركنا الثقافية ، ولكم هو جميلٌ أن يكون بين بنيك ياساحلنا مثقفين متفهمين للحياة الواعية بعيدين عن ترّهاتها……مبروك لكم ولنا
كم أود بهذا اليوم أن أطير من الرياض عبر الصحاري لأحط في أحضان بلدي الحبيب وأشارككم مسيركم الراقي الممتع في ربوع بلادي الحبيبة..مع أهلي وناسي وابنتي الغالية 0أسعدكم الله بجمعتكم وأمتعكم بجمال المنظر وروعة المكان وبالصحبة الراقية المتحضرة000أعادكم الله لدياركم سالمين على أمل رحلات قادمة أود مشاركتكم فيها لأحظى بأجمل اللحظات بصحبتكم وأفكاركم الرائعة0
في عالم اليوم نزل عندن مطر وما بينت الشمس وعالم تانيين بيكونو هلا مكيفين بالجو الحلو وعم يعملو مسير الله يهنيكم وان شاء الله مسير موفق وتكونو مبسوطين وترجعو بالسلامة
واهم شي اني ناطرة الصور
أبو أمين , أم أمين و ريما .. أهلاً بكم و بالفعل كان المسير رائعاً … الغابات و المياه و البيئة النظيفة و الجو الرائع !
و الصور قريباً فور إحضارها من حازم ..
كان مسير اكتر من رائع وشكرا لكل شخص ساهم بهالمشروع , هي كانت اول مشاركة الي مع الجمعية واكيد رح تتكرر
يا ريت لو عرفنا بالجمعية من قبل ما كنتو ارتحتو مننا, كانت تجربة كتير حلوة ومنتمنى انو ظروفنا تكون دائما معنا لنقدر نروح ع طول
مريانا و رشا أهلاً و سهلاً .. و بهمنا الكل يكونوا انبسطوا و انشالله المرات الجاية لسا تكون أحلى ..
هي شوي من الصور من هداك اليوم الرائع
/http://www.flickr.com/photos/basemnabhan
شكراً باسم…
اي والله المسير اكثر من رائع بس شو بدنا بالحكي بعدني معضلة ….
سلام خاص لحازم
وستروا ما شفتوا مننا
بااااااااااي
مرحبا شباب
وأنا سلامي الخاص إلك يا عروة(أسعد), وإن شاءالله بتمضى عسكريتك بخير وسلامة وما منشوفك غير رجعت وصرت بيناتنا
أنا من هلأ مشتقلك
سلامتك مي
عادي كتير تكوني معضلة…….
أنا لهلأ صوتي مبحوح
المشوار كتير كان حلو مع والطقس كتير كان جميل والاحلى من المشوار شباب الجمعيه بتمنى خدمه علم ممتعه لاحلى مطرب ابو السعود وانشاء الله احلا خدمه جيش لاحلى شب
تحية لكل يلي شاركو بالمسير
كان مسير حلو و مميز
و ناطرين كل جديد من الجمعية ( و خاصةً صور المسير )
تحية خاصة للبعيد القريب، أسعد ديب
منتمنى نشوفك بأقري فرصة ممكنه
تم حذف ردود حسام سليمان بخصوص الإرث الحضاري في الساحل السوري و وضعها في موضوع منفصل ..
مرحبا للكل نشالله تكوني صحيت يا مي وأحمد كيفك انت وأختك هبا
سكرابي مرحبا ولو ما بكفيك 400 صورة؟؟لسه بدك صور من حازم
زيدون كيف سوزي نشالله صح راسها
اياد أكيد في مسر تانية بس متل ما قلتلك بعد الامتحان نشالله
باي
المسير ما بينسى.. و المناظر رائعة
شكرا للمنظمين و ناطرين المشوار القادم
سلام للجميع
سلام لأسعد اللي بيمون…
أرسلت بعض الصور لخالد(مدير الموقع)ربما سينشرها اليوم
أما الجديد فسيتم مناقشته اليوم في اجتماع مجلس إدارة الجمعية في مدينة اللاذقية.وسنحاول تجهيز برنامج الأنشطة لهذا الصيف بشكله النهائي وأتوقع أنه سيتضمن حملات تقليم – حملات تنظيف وزراعة ورود – حملات توعية ميدانية للأطفال – مسر ليلية – مسير نهاري لاستكشاف منطقة جديدة في الجبال الساحلية وربما يكون المسير النهاري الأخير لهذا الموسم
أهلا سوسو
أنا وأختي الحمد لله تمام.
إنت شو أخبارك؟؟
معلش شباب بدي اتأخر شوية برفع الصور ….
لا تسبوا علينا !
مسير حلووطبيعةبتجنن.شكركبيرللكل!
بس اذاممكن حدا يعطيني رقم او اميل باسم نبهان
وانشالله نشوفكن بطلعة حلوةتانية
يعني، بضل زيادة الخير خير،
بعدين المسير كان من أجمل المسر، و بيطلع منو 4000 صورة مو بس 400
و شكراً لإدارة الموقع بكل الأحوال!
كيفك يا احلى زينة كتير انبسطت بشوفتك بالمسير فعلا المسير كان روعة وعقبال المسر الجاية تكون احلى واحلى
ميرسي كتير سوسو لسؤالك عن سوزانا اي ام السوس نوعاما ويوم عن يوم عم تتحسن وطلعت من العنايه المشدده مبارح امورها والحمد لله احسن و الضربه كانت قويه . سلام للكل وللجمعيه سي يو وموفقين يا احلا شباب
مرحبا ً للجميع
أكيد مسير جميل و بتمنا ينعاد
اتبع الرابط لمشاهدة بعض صور الرحلة:
http://www.flickr.com/photos/sharksgod
http://www.flickr.com/photos/sharksgod/sets/72157623880170499/
عن جد طبيعه بلا حدود انا من سكان القلعه مغتربه
وعن طريق البحث لقبت هالموقع يلي بيحكي عن هالمسير وتمنيت من اعماق قلبي اني كون معكم
وشكرا للي وضع الصور صور بتاخد العقل
دعولي ارجع عاضيعتي وأهلي
قلعة بني قحطان
السيد حازم المحترم 00
تحية حضراء مفعمة بحب الطبيعة وبعد0000
سؤال؟
هل لديكم بالنظام الداخلي للجمعية عضوية شرف؟
وماهي شروط القبول ؟
واذا لم يكن 0000فنرجوا مناقشة الامر واعلامنا00
وشكرا لك ولجمعيتكم0
[...] المسير نهاري في وادي قلعة بني قحطان [...]
سلام للجميع
أنا علي من سد بللوران طريق كسب
جمعية حلوة كتير ونشاطات رائعة
مسيرات للذكرى
شكراً للصور الحلوة
على فكرة أنا زرت القلعة والوادي بس ما شفت متل ما شفتوا انتوا!!!!!
ضيعتي حلوة كتير …….
وهي ناطرتكم تكحل عيونا بكاميراتكم ورعايتكم…..
شكراً
شكراً علي
نزور قريتكم الجميلة قريباً إن شاء الله