» النشاط القادم : آخر مسير نهاري لهذا الموسم » أضيفت بواسطة admin
النشاط القادم : مسير استكشاف سيكون المسير النهاري الأخير لهذا الموسم .
مكان المسير : محمية الشوح و الأرز – صلنفة – اللاذقية
التاريخ : السبت 22 – 5 – 2010
الانطلاق : من كراجات صلنفة في مدينة اللاذقية ( الكراج الجديد ) في تمام 8:30
العودة : الانطلاق من مدخل المحمية باتجاه مدينة اللاذقية حوالي الساعة 19:00
البيئة العامة لمنطقة المسير :
منطقة جبلية ترتفع حتى 1500 م عن سطح البحر و فيها تشكيلات تضريسية مميزة , الأرض مكسوة بالمروج الخضراء و أنواع نادرة من الأزهار و الأشجار و الشجيرات … أهم الأنواع الشجرية في المحمية ( الشوح – الأرز – الشربين – العدريش – القيقب – البلوط – السنديان شبه العذري – المحلب – الصَلع )
و تتمتع المحمية بأجزاء مطلة بانحدار شديد على سهل الغاب و أجزاء مطلة على الساحل ..
لوازم المسير :
قبعة للشمس – لباس للبرد ( الارتفاع 1500 م مع احتمال وجود رياح شديدة السرعة ) – 1,5 لتر ماء – وجبة الطعام
رسم التسجيل : 225 +- 25 ل . س
الخطة العامة للمسير :
المسير هو مسير استكشاف و تفاعل لذلك لن يكون للمشي النصيب الأكبر إنما ستكون الخطة على الشكل التالي :
مسافة المسير الجماعي حوالي 5 كم
مسافة المسير الفردي متعلقة برغبة الشخص
ستحدد ضمن مسافة الـ 5 كم ثلاث نقاط ” بدء استكشاف ” يتم التوغل منها في عمق الغابة و العودة إليها بعد 1\2 – 3\4 الساعة ثم يُستأنف المسير .
منطقة الاستراحة الرئيسية هي مرج أخضر محاط بالشجر و مطل على سهل الغاب و مجاور لعين ماء صغير .
سنحاول تخصيص فترة حوالي 3\4 الساعة للحوار في منطقة الاستراحة الرئيسية
التسجيل : حصرياً يوم الأربعاء من الساعة 8:30 مساءً و حتى الساعة 10:00 ليلاً على هاتف الجمعية 041815677
و نعتذر عن قبول تسجيل المتخلفين عن المسير السابق بدون عذر مسبق
هذه مجموعة من الصور بعدسة ” حازم سليمان ” من المسير الاستكشافي للمنطقة التي سيكون المسير فيها :
تعليقات
60 عدد التعليقات على “النشاط القادم : آخر مسير نهاري لهذا الموسم”
أضف تعليق:
طبيعة بلا حدود
طبيعة بلا حدود-
منوعات
تفاصيل تفاصيل،حتى رؤوس أقلام بتشبع فضولنا
ايه…. ….الله لا يحرمنا هالجمعيةالموقرةولارئيسهااللامع
السيد حازم
المحترم
وبضم صوتي
لصوتك ياسوسووبقول كلنا شوق لمعرفة التفاصيل
علنانرضي فضولنا
لن نبخل بالتفاصيل متى أصبحت جاهزة
وسنحاول الإسراع بذلك ماأمكن….
احلي..بلد والله سوريا
يعطيكم العافيه…وبهنيكم عهالمشروع الرائع الي حكتلي عنه ام السوس وكانت عبتحلم ترجع عسوريا لتكون معكم في طبيعه بلا حدود…ورجعت ام السوس…ونشالله علي طول طبيعه رائعه وبلا حدود
شو هاد؟؟؟ ليش اخر مسير نهاري لهالموسم يا جماعة طولو بالكن بلكي اجينا عالصيف ما بيطلعلنا مسير نهاري يعني؟؟
يسلمو ايديك و كمرتك شاهر على الصور المميزة
أهلين بهالضيفة الجديدة: راميا
انشالله بترجعي بخير وسلامة ع بلدك ومنشوفك معنا
يعني مثلا اي منطقة فيها المسير القادم من اجل التحضير لانو22\5 مابقى بكير
نشالله ياحازم بتتخرج اليوم قبل بكرى لوزع الحلوان ع حسابي منشان تصير تعمل كل النشاطات يوم جمعة لانو لما بكون عندك دوام بالجامعة بتعمل كل الأنشطة اغلبها يوم سبت وبتقول العالم كلا عندها دوام بالتعليم المفتوح بينما لما بتتخرج بصير ماحدا عندو دوام ولازم كل العالم تفضى
هههههههههههههههههههههههه
المسيرات النهارية عطول مميزة والمسير الماضي كتير حلو وانشا الله القادم يكون متلو واحلى وبالتوفيق ..
يا ريت تنشرو التفاصيل بأقرب وقت ممكن
مشان نقدر نزبط أوقاتنا
ولا يهمكون ما بنحط برنامج المشوار لبعد ما يخلص التسجيل عليه ههههههههههههههه
نحنا بشوق كبير لنعرف لوين المشوار ولا لازم نترجى لينزل البرنامج
تم نشر التفاصيل و سيتم نشر الصور في وقت لاحق اليوم
لقد علمت بنشاطاتكم مؤخراً وقد أعجبت بها انا وزوجتي فهل يسمح لنا بالمشاركة في مسيركم الأخير هذا رغم اننا لسنا أعضاء في جمعيتكم.
أرجو الرد سريعاً لتجهيز امورنا قبل الموعد
مع الشكر الجزيل لجميع ما تقومون به من نشاطات وفعاليات
ياسلام ماهذا الاختيار الجمييل شكرا لكم
سوف اشارك للمرة الثانية
د. محمد نعم يمكن لأي شخص التسجيل للمشاركة في المسير و ذلك بالاتصال على هاتف الجمعية المذكور أعلاه في الوقت المحدد
طلاب التعليك المفتوح بيفكرو انو ماحدا عندو دوام غيرهم وخصوصا حازم سليمان ما شغلتوا الا يحط النشاطات يوم السبت منشان ما فينا نشارك !!!
على كل ياخالد هذا المسير مميز لدرجة تستحق إجازة
أما بالنسبة لي فقد سجلت يوم الأحد إجازة بلا راتب كي أتمكن من استكشاف المنطقة من أجل النشاط والتقطت لكم تلك الصور ليكون لديكم تصور مسبق عن بيئة النشاط ولن يكون لدي استعداد لإلغاء يوم الدوام الوحيد في الجامعة لتنفيذ المسير يوم الجمعة .وأظن أننا لم ننس بعد أن المسير السابق كان يوم جمعة وحرم منه طلاب التعليم المفتوح.
أتمنى أن أرى شجاعتك يوم السبت…….
شكراًلك جمال ..
لكن أرجو منك أنت أو خالد الإشارة إلى مصدر الصور( عدسة الجمعية – منظم النشاط)كي لايتوقع البعض أننا استوردنا الصور من مصادر خارجية.
صباح الخير ياريما الغالية
أنا العم أبو صالح ، إنني أسأل عنك دائماً وقد وصلني سلامك وسررت كثيراً به، وزادني شوقاً إليك وإننا جميعاً نترقب رجعتك بالسلامة .
أبو صالح – جيبول
يا هيك روحات يا بلا أنامن زمان عم دور على ناس رايقين وبحبوالطبيعة
وكفومتل مابيقولو ههه
أنا كنت دائماً فكر بيني وبين حالي أنو بدي استكشف بلدي
( يعني أقل منها ) والله بلدناحلوة
بس ماكان في حدا يقبل يروح معي
المهم هلق اني اجنمعت فيكم وانا كتيير مبسوط والله وان شاء الله بشوفكم بالمسير اللي جاية …
يعني ما لحقت رنة الجمعية العجيبة تخلص حتى ادخل منشان أعرف تفاصيل المسير ياللي الكل ناطرو.. شكرا حازم ع الصور كتير بتشجع على الروحة
واضح إنو رح يكون مسير كتير حلو بس للأسف ما فيني شارك لأنو عندي دراسة بتطمني و ما عم لحق.
انشالله بعد الإمتحان برجع بشارك بالنشاطات بعد شهر ونص أو بعد شهرين لأنو عندي معسكر انتاجي بصلنفة شي 15 يوم ممكن يجي مباشرةً بعد الإمتحان
انشالله تنبسطوا كتير كتير بهالمسير,وعم انتظر الصور…
صباح الخير..اكيد رح ننبسط كتير بهالمسير …ارتقب قدوم يوم السبت بفارغ الصبر تسلم ايديك حازم الصور كتير حلوين والطبيعة بتمخول …اي وشوهالفراشات بياخدوا العقل…
صباح الخير للجميع….
أتمنى لك امتحان موفق يا بشار..
كما أتمنى لك رحلة استكشافيةً سارة ياميس
good morning every1,c u next saturday, i cant wait, it u r the best society ever
بونجور لاحلى شباب واحلى جمعيه انشاء الله ما حدا يغيب عن المشوار لانو شكلو حلو كتير منلتقى بالمسير سي يو ايفري بدي
بصراحة الصور تستحق أكثر من إجازة للمشاركة بالمسير لكن الأسف على من لا يستطيع الحضور يوم السبت مثل سماح
تحياتي للكل و أحلى “عليقة” لأسعد
خالد شكرا جزيلا على هده التحية الرقيقة والتي توجت رقتها بشماتتك بي شككككككككككككككككككككككككككككككرا
مساء الخير نشالله يكون مسير حلو وتنبسطو في كتير يا ريت بقدر روح معكن بس عنا امتحانات بتمنى ما يكون المسير النهاري الأخير لأنو أحلى من المسير الليلي
المسير بجنن متل العادة .. وادئما في المفاجئة بالأماكن و المناظر على الرغم من التخيل ما حدا في يتصور جمال الطبيعة هنيك .. و فوقها مفاجئة الغدا كانت كتير ظريفة.. شكرا للمنظمين و حازم خاصة .. و شكرا لمنذر على الطبخ الطيب
زينة مرحباكيفك؟ شكلكن كتير كنتو مبسوطين بس شو كان الغدا؟؟
قال اتغدوا فاصوليا خضرا طبخ منذر
كل خطيئة هم وكل هم وجع وكل وجع شكوى وكل اختصار نكران
وكل من لم يشارك بالمسير سيبقى طوال حياته ندمان
المسير كان رائعا وما زاده روعة الناس التي شاركت فيه
وكل الشكر لرئيس الجمعية وجميع المنظمين والمشاركين لانهم ساهموا بنجاح هدا المسير الرائع فعلا كان من أجمل المسر التي شاركنا بها على الإطلاق
اهلين سوسو.. و الله تغدينا فاصوليا خضرا بالمقلي الفخار ع الحطب.. و تمنينانا الكل يكون معانا
صحة وهنا عالفاصوليا
سماح ليش عم تحكي هيك عم تفقعيني لأنو ما رحت يعني ؟
مرحبا سوسو
لا تردي ع هيدا الحكي كلو….
بعدين مين قال إنو ما كنتي معنا ؟؟؟؟ ولّلا نسيتي لغنية يلي غنيناها؟!.
والله المسير كان بيجنن عنجد.والفاصوليا بتشهي وانتو كنتو أحلى شي بالمسير
بس وين الصور؟؟؟
الأمورة سوسو لا تمنع نفسك عن البوح فكل كلام صلة وكل صلة تعني القرب ولا تمنع نفسك عن البكاء فكل دمع قرار وكل قرار موقف كنت اتمنى أن تمتطي معنا صهوة العشب الأخضر المترامي على طرفي الطريق في صلنفة لكي تلتمسي إطلالة الربيع المفعمة بالحياة وصدقا بلا مجاملة كل من لم يحالفه الحظ بالمشاركة بهدا النشاط كان اشبه ببحار أخفق في اكتشاف كنزه ….. فقد كنت شاهدة اني لم ار فعلا نشاطاً اروع منه …….احلى تحية لسوسو وزينة ومريانا ونجود ولجميع المشاركين وإلى حميع الأصدقاء اللدين اعتدنا على وجودهم معنا…….
وحشتونا
سلام للكل المسير كان كتير حلو والفاصوليا المضاده لكل انواع الاكل كانت غير شكل وميرسيللجمعيه و لكل الشباب والصبايا اللي نظمو المسير وموفقين وميرسي لالله على الطبيعه الحلوه ومنلتقى انشاء الله
صباح الخير…..
على مايبدو جمال الطبيعة وسحرها أظهرا مالدى سماح من مواهب ،عل ذلك يحدث للآخرين…
سنرسل بعض الصور المختارة إضافةً إلى تقرير عن المسير لخالد غداً كي ينشرها للجميع.
أنا للصراحة بموت اذا ما نقيت منشان الصور كل مرة،
لهيك، و حرصاً من الجمعية و إدارة الموقع على سلامتي الشخصية،
رح يضلوا يتأخروا برفع الصور على الموقع ( مشان ما موت)
شكر خاص لإدارة الموقع…
مسا الخير شو هالإبداع يا سماح!!!
أحمد مرحبا كيف امتحانك؟ طبعا سمعت الغنية كتير كانت حلوة يعني كأني كأني كنت معكم
سكرابي إذا قصدك مشان تعليقي عالصور المرة الماضية أنا سارة يعني أنا ما دخلني أنا مو من إدارة الموقع وسلام لمدير الموقع جمال
عند وصول الصور لي أو لخالد سنقوم بنشرها … و سلامي للجميع و واضح أنكن انبسطتوا بهالمسير .. و سماح عم تحاول تفقعنا لأنو ما فينا رحنا .. بس ما بيطلع معك يا سماح !
لك له يا سوسو، أكيد مو قصدي عليكي،
أساساً حتى مو قصدي على ادارة الموقع،
المهم شي حدا، (أي حدا) يرفع الصور
المسير كان بجنن والمناظر كتير كانت حلوة ……
وصدقا لم يكن ينقص المسير الا وجود جميع الاصدقاء الاعزاء مثل سوسو وجمال وسلوى وامل انشاالله موفقين بالامتحانات جمال بتوصل سلام
خاص لخالتو ام خالد …..
كان المسير (مرتاحة)وشكرا لكل من ساهم…
أهلا سوسو
هلأ فيني قلق إنو امتحاني تمام
أنا خلصت امتحان
بقى إنت كمان شدي الهمة وإن شاء الله بيكون امتحانك لسه أحسن من امتحاني
يا جماعة دخيلكون !!!!!!!! لحقوا لسكرابي بالصور قبل ما يصرلوا شي …. لأنو سكرابي غالي وما بيهون عليي زعلو
*******
سلام خاص
*******
لأظرف وألطف وأحنّ وأطيب وأضخم شب بعرفو :
+++++++
زيدون
+++++++
هاااااااي
مرحبا ميس كيفك؟شو أخبارك ؟سلمي على زيد وسماح من صوبك وكل جيبول
باااااااااااي
بضم صوتي لأحمد وسكرابي: وين الصور؟؟؟؟؟؟
لسه ناطرين ونشالله الكل موفقين بالامتحان
[...] النشاط القادم : آخر مسير نهاري لهذا الموسم [...]
تم نشر الصور في موضوع منفصل خاص بها
على عيني يا احمد شكرا لالك خجلتني يا كابتن انتي الالطف والالذ والاهضم بشوفك بخير يا مان موفق وميرسي لالله اللي جمعنا.
مساء الخير للجميع :
ومساء معطر ارسله إلى زيدون
وسارة ومريانا …….
و أحمد وجمال وسلوى وأمل
شكرا سماح وانا بمسي عليكي وعلى كل الشباب والصبايا ومنلتقى انشاء الله بالنشاطات القادمه وبتكون امور الكل تمام
بونسوار كيفكن يا جماعة ؟وين مختفيين ؟ سلامي للكل وسلام خاص لأحلى سماح
great trip