» مسير المنيزلة الليلي 26-8-2010 » أضيفت بواسطة admin
مسير المنيزلة الليلي
-
- إطلالة موقع بداية المسير على قرية قرن حلية
-
- صورة جماعية للمشاركين الـ 71
-
- المسير من أعلى قرية حلبكو باتجاه قرية حرف متور
-
- و تسلق صخور أيضاً
-
- الاستراحة الرئيسية
-
- و قد امتدت من حوالي الساعة 02:00
-
- إلى ما بعد طلوع الفجر
-
- تحضير الشاي على نار الحطب
-
- شروق الشمس من على ارتفاع 1370م عن سطح البحر
-
- أشرقت الشمس وطلع الصباح
-
- متابعة المسير بعد شروق شمس الجمعة
-
- القهوة الصباحية
-
- وقد تم تحضير القهوة على نار الحطب
-
- أطفال من قرية المنيزلة
-
- خارج خط الزمن
-
- جدة ترعى حفيدتها بينما خرج أبواها للعمل ـ المنيزلة ـ
-
- يستقبل الصباح على سطح داره ـ قرية المنيزلة ـ
-
- نمط العمارة في قرية المنيزلة
-
- منزل قديم في قرية المنيزلة
-
- حمير ذاهبة إلى المرعى في الصباح الباكر
-
- تنور
-
- عين الرمان ـ مزرعة بيت صبيح ـ
تصوير حازم سليمان
المزيد من الصور عند صديقنا شاهر
كلمات مفتاحية : مسير, مسير, مسير ليلي
» ضمن تصنيف مسير في August 9, 2010.
تعليقات
77 عدد التعليقات على “مسير المنيزلة الليلي 26-8-2010”
أضف تعليق:
طبيعة بلا حدود
طبيعة بلا حدود-
منوعات
ياريت هي المرة يكون جمعة و سبت حتى أحسن شوفكم
تشع ادم ع المسير لما شاف صورتو
مرحبا كيفكون برأيكن ماصار الوقت مناسب
حتى تحددوا تفاصيل مسير 19/8/2010
بكير ليش العجلة قيل المسير بساعتين بتنزل التفاصيل
اهم شي راحة حازم وخالد
هههههههههههههههههههههههههههههههههههههههههههههه
بس بتمنى التفاصيل تنزل بسرعة لأنو نحنا من غير محافظة يعني أقل الشي نعرف الساعة ووين من شان نلحق نوصل بليز
لا تخافوا رح توصل التفاصيل قبل بوقت وبتلحقوا
آنسة سماح يعني شو رأيك بخترع تفاصيل من عندي ولا مفكرة أنو عندي التفاصيل ونايم عليها .. ولا قالولك بعلم بالغيب
و على شو حضرتك نائب رئيس مجلس إدارة جمعية طبيعة بلا حدود ؟
ولو ياخالد طبعا لازم تعلم بالغيب شو مقلل حالك ليش اسمك مدير الموقع بعدين إذا نسي حازم المفروض إنت تذكروا لانو الله يعينو شو بدو يتذكر ليتذكر وأنا المحامي الدفاع عن حازم وأوعى تحط الحق عليه حازم خط أحمر بعدين بكرى مابسجلك بالمسير وبخليك ناطور البيت المهم ماحدا يزاعل ريئس الجمعية المبجل
يا ريت يصير ليلة الجمعة .. لأنو يلي عندن شغل و عم يجو من غير محافظة صعب كتير ..
تحياتي للجميع
سؤال برسم الإجابة وربما تتحدد ليلة المسير بناءً على الإجابات التي تردنا خلال مدة أقصاها يوم الاثنين 23 آب.
(يناسبكم المسير أكثر ليلة الخميس أم ليلة الجمعة؟)
حازم سليمان
منظم المسير
سلاماً للجميع واعتذاراً منهم وكذلك عتبا…..
تتوقعون الأمور بتلك البساطة ….
لقد نفذنا طلعة استكشاف لتحديد خط جيد ومريح وجميل وبيئة جميلة يخترقها خط المسير وقد قطعنا في هذه الطلعة مسافة 100 كم على دراجة نارية وصرفنا وقتاً امتد من منتصف النهار حتى التاسعة مساءً. ولم نقع بعد على الخط الذي يرضي طموح تجربتنا التي ترجع إلى ثلاث سنوات.
إذ من غير المعقول أن نختار لكم خطاً للمسير لايرضي تطلعاتكم.
فالتفاصيل لاحقاً.أما المعلومات الأولية:
سيمر خط المسير في مناطق ترتفع حتى 1300 م عن سطح البحر
وقد يخترق قرية تسير في هذا الكون بمعزل عن خط الزمان هي قرية المنيزلة – بيت ياشوط. وربما سيبدأ من نقطة ترتفع1100 م وتتمتع بإطلالة ساحرة على قرية قرن حلية. وربما ينتهي المسير في غابة بلوط صغيرة تسمى غابة السلاطين على ارتفاع 1300 م لنستقبل من بين أغصانها خيوط الشمس صباح يوم الجمعة أو السبت.
والانطلاق ربما يكون الساعة 17:00 من كراجات مدينة جبلة.
حازم سليمان
منظم المسير
بالنسبة للموعد لا فرق عندي .. ما كتير بيهمني ..
لكن أريد الاستفسار عن طول المسافة ؟ لأنو بصراحة مسافة المسير الماضي كانت مثالية أما إذا قمنا بزيادة المسافة فهذا يعني قصر الاستراحات و خاصة الاستراحة الرئيسية و هي أجمل نقطة بالمسير .. و إذا لم نقصر الاستراحات فهذا يعني المشي بعد طلوع الشمس و هذا أمر لا يطاق !!
لذا نتمنى معرفة المسافة المقدرة حالياً للمسير لنقرر مشاركتنا من عدمها !
انا من محافظة دمشق ولاول مرة اشارككم
اتمنى ان يكون المسير يوم جمعة لاني موظفة والجمعة يوم عطلتي بالاضافة للمسير هناك مسافة طريق سفر عندي
بالتوفيق لكل الشباب والصبايا
بالنسبة لنا سار ة بكالوريا رح نضطر لالغاء ثلاث دروس السبت –ل>لك يناسنا الخميس بالتاكيد–ايضا سالي عندهاىدورة تكميلية الاحد لن تدهب الا الخميس نحن من انصار الخميس بصم بالاربعين———-كمان راي جمال ممتاز بالنسبة لعدم السير بالشمس وقلة الاستراحات
مرحبا أنا اسمي رامي من الشام بتمنى يكون المسير يوم الجمعة حتى نلحق نطلع من الشام و نوصل بالوقت المحدد خصوصا انو يوم الخميس دوام و عطلتنا الجمعة
مشكورين
ياللي عندو دوام شي بيستاهل كتيييييييير للاجازة بس اللي عندو دروس بتروح علييه لانو المسسييييييييييييير اهم
مرحبا
يعني و الله كنا حابين نشاركون بالمسير و نطفي هالشوبة
بس شكلو المسير رح يكون يوم الخميس
أحلا تحية من الشام
الأصدقاء من الشام خدو إجازة يوم الخميس لأنو المسير عنجد بيستاهل إجازة وأكتر .. المسير الماضي كان معنا ناس من الشام وقدروا يوصلوا مساء الخميس إلى جبلة
على على فكرة في مناطق باللاذقية جميلة جدا جدا
بس ما منعرفها ككهكهكهكهكهككه0 (تجربة)
طول خط المسير سيتراوح بين 15 و 19 كم مقابل 22 كم للمسير السابق وسيتخلل المسير استراحتان طويلتان:
الأولى: استراحة إفطار الصائمين وتمتد لمدة ساعة تقريباً.
الثانية؛الاستراحة الرئيسية تمتد لمدة ساعتين تقريباً وتنتهي مع طلوع الفجر.
منظم المسير
كتير حلو هالحكي….انشالله بشوفكن ومننبسط
مساء الخير للجميع…..
ترقبوا التفاصيل الكاملة هذه الليلة…….
السادة أعضاء وأصدقاء الجمعية
بسبب عطل فني في هاتف الجمعية لم نتمكن من إرسال أية تأشيرات لمن أدرج اسمه على لائحة اتصالات الجمعية وربما لن نتمكن قبل انقضاء مدة التسجيل
لذا نرجو ممن يقرأ خبر المسير وتفاصيله أن يبلغ بعضاً ممن يعرفهم وشكراً لتعاونكم معنا.
منظم المسير
غدا سننشر مجموعة صور من بيئة المسير
يوجد في السوق أكواب مصنوعة من الورق وهي غير مؤذية للبيئة تستطيعون استخدامها في شرب الشاي
من سوء حظنا
ان شا الله المسير الجاية على الأكيد منطلع
و تحية كبيرة للقائمين على هالجمعية العظيمة
موفقين
شكراً جداً على هذه اللفتة اللطيفة، لن أكون قد عدت بعد… يشرفني أن أشارك عندما يكون الوقت والظرف مناسبان… انبسطو كتير وافرحو نحنا كتير مبسوطين.. سلامات للجميع
ما كان فيه داعي تعملو ا تصويت طالما هيك..
لأنو عدد الأصوات كان تقريباً متساوي (بين ليل الخميس و ليل الجمعة) و بعدين تكتبوا أنو النسبة 75%.
و كمان لما عم تعملوه ليل الخميس كل اللي خارج المحافظة عم تروح عليه، بالإضافة أنو الواحد بيكون راجع من الشغل تعبان و دغري طالع مسير و من دون نوم، يعني كمان تعب إضافي حتى للي داخل المحافظة.
أما في حال كان ليل الجمعة فيه عندو نهار يرتاح فيه قبل المسير.
كمان هاد تاني مسير ليلي السنة و كمان بيصير ليل الخميس، يعني برأيي طالما فيه ناس عم تطالب يكون ليل جمعة ليش ما بيكون مرة هيك و مرة هيك، على الأقل مشان ما تخسروا ( ما بعرف إذا بيهمكن تخسروا أو لأ) نفس المشاركين كل مرة.
لأنو في حال كان كل مرة يوم ليل خميس رح يكون المشاركين نفسن و اللي عم يحتجوا رح يضللوا يحتجوا مرة و مرتين و بعدين رح يبطلوا يحتجوا و يبطلو يطلعوا مرات جاية.
على كل شكراً لأنكن قريتوا اللي كاتبوا ((و يللي بتمنى يوصل للإدارة)) و كنت بتمنى لو عبرتوا رأينا للمرة التانية.
عزيزي المبسوط : إن نتيجة التصويت لم تكن متساوية آخر يوم بالإضافة للكثيرين ممن اتصلوا هاتفيا وطالبوا أن يكون المسير مساء الخميس
و ما أستغربه كثيرا أن معظم من يطالبون بيوم الجمعة لديهم عمل يوم السبت وليس عطلة أي أنهم لم يفهموا بالضبط ما المقصود بمسير ليلي مساء الخميس حتى صباح الجمعة يعني أنكم بحاجة لراحة يوم الجمعة وليس الخميس
يعني شو رأيك نعبر رأيك انت وشي خمسة عشر شخصا و نزعج حوالي سبعين واحد رح يشاركوا بالمسير يوم الخميس
صوتك سيصل للإدارة و لن احذف تعليقك لكن حبذا لو أنك كتبت اسمك الحقيقي لأن رأيك ليس مخجل ولأن ( ما حدا رح ياكلك إذا كتبتوا )
اشجع جماعة المحافظات الاخرى على القدوم دون تردد مانا صعبة الشغلة ابدا خدوا اجازة اعتبروا عندكم حالة طارئة لاسمح الله موت- مرض- توقيع اوراق—الفروض الاجازة تكون مهمة للامور الترفيهية اكثر -الحياة تحتاج للعناية بالحالة النفسية لنا قبل الجسدية وقبل الاكل والشرب والشغل —اادا ماكانت صحتك جيدة ايها الانسان لن تستطيع ممارسة عملك جيدا ————النصيحة ببللللللااااااااااااااااااش
كيفك خالد…..خلي قلبك كبير وطول بالك ع الشباب وماتعصب… اذا الكتابة هيك ف متخيل وضعك وانت عم تكتب … وبالمناسبة بعتقد انها فكرة عادلة انو كل مسيرين يوم خميس يكون واحد يوم جمعة منشان مايكون في حرمان للي بحب يكون يوم جمعة وخاصة من خارج المحافظة واكيد قسم من اللي بحب يكون يوم خميس قادر يطلع يوم جمعة.والجمعية لازم ترضي الكل براي وهيدا ممكن .وطالما البعض عم يطالب جماعة الجمعة ياخدو اجازة كمان هو فيه ياخد اجازة يوم السبت.. ورح ابعتلك لاحقا افكار حول الموقع الجديد
شكرا جدا يا حازم
ويا ريت كنت موجودة حتى كون من المشاركين معكن
بس انشا الله المسير القادم
وسلام لجميع اعضاء الجمعية
كيقك سمر
حلوين صوركن كتير ,,وبالاخص صورة اصغر المشاركين
هلق عرفت ليش كنت عم تشوقيني
انبسطوا :
بالله ليش ما بعرفنا عن حالو وبعبر عن رأيو وبقول مين حضرتو هيدا اسمو ضعف يعني ع أساس أخد راحتوا بالكلام هيدا اللي مسمى حالو سكوبي وسكرابي ومفزلك وغيرو وغيراتو لهاالدرجة شخصيتواالواحد الحقيقية بتخجل حتى ما يعرف عن حالو …………. والله يا خالد معك حق شو ما حكيت وياريت تحذفنا هالإبداعات اللي مبتكرينا أصحاب الأسماءالفلكية
ويا انبسطوا من حقك تعبر عن رأيك لكن بأسمك الحقيقي منشان يعبروك…….. لانو انا أول الناس رح كون مداومي 9 ساعات وشغلي كتير صعب لكن وبدي اطلع ع المسير والتوصيت كان مبين وعلى فكرة انا كنت من مشجعين يوم الجمعة لكن ما علقت بهالطريقة الحلوة اللي علقت فيها حظا اوفر بالمسير القادم ونشالله يكون يوم جمعة ههههههههههه
مرحبا
أنا جد زعلان لأنو ما رح اقدر كون معكون بهالمسير
ان شا الله المرات الجاية و هي ايميلي صار عندكون بتمنى تخبروني بالنشاطات الفادمة
و أنا بدوري رح ضل زور الموقع لشوف آخر الأخبار
موفقين و انبسطو كتير
أحلا تحية من الشام
رامي الشبلي
أنا زرت المنطقة من شي 3سنين ,وكانت الساعة4:30فجرا شي روعة!!!يعني نيالكن عهيدا المشوار.
للأسف أنا صعب علي هيك مسافة(لأني مجهدة جدا هذه الأيام).
المهم:انتوانبسطوووواااا
انا رح اخد اجازة يوم الخميس واجي ع جبلة وشاككم بالمسير مع انو اول مرة بشارككم واول مرة بجي ع جبلة وبسافر ع اللذقية لوحدي وجاي شارككم بالمسير لوحدي قادمة من دمشق لانو شوقتوني والله ع هالجو ان شالله بنبسط معكم
رفقاتي دلوني ع جمعيتكم ونصحوني شارككم بنشاطاتكم وان شالله يكون المسير حلو لانو اول مشاركة الي معكم
وانشالله ما بندم
بس مين طالع من الشام يخبرني بركي منطلع سوا مشان ما اتوه وممكن ابعتلوا رقمي نتواصل مشان نشترك بطريق السفر
سلام للجميع
طبعاً كان المسير رائع
و كالعادة حازم أبهرنا باختياره و تنظيمه
و العالم كانت رواق ، و مافي ضوجة أو عجقة
بس لازم قول لحازم : أنت و احد من الناس يلي بخلوني شوف الدنيا أحلا.
فشكراً
صور جميلة ….مشكورين
nice pics
كل الشكر لجميع المشاركين الذين أضفوا سحراخلابا للمسير ولا ننس منظم المسير حازم سليمان الذي يحمل على عاتقه مسؤولية جميع المشاركين معنا
وأحلى سلام لشاهر وعلي ونور وأمل
المسير كان كتير حلو بالناس المشاركين فيه … و لدي بعض الملاحظات السلبية ذكروني فيها عند أول لقاء
سلام للجميع
و أحلى تحية لأظرف سماح
هي الصور:
http://www.flickr.com/photos/sharksgod/sets/72157624833418932
صباح الخير للجميع
صباح الخير شاهر
أتمنى دائماً أن نوفق في اختيار أماكن مميزة للمسير أو رحلات الاستكشاف.
كما أتمنى أن تبقى الدنيا جميلة بعينيك وبأعين الجميع
ولكي يدوم ذلك أرجو أن نتعاون في صون الطبيعة كل من موقعه ولينطلق كل منا من نفسه…
وليقتنع بأن جهوده الفردية تحدث فرقاً مع الزمن
وليحاول كل منا التأثير بمن حوله
فمن بين السلوكيات اليومية البسيطة التي تؤثر تأثيراً بليغاً في الطبيعة:
الاستهلاك بطريقة تنتج الكثير من النفايات.
الاستهلاك الزائد للكهرباء وخصوصاً كهرباء الإنارة
والتكييف وتسخين المياه.
الاستهلاك الزائد للورق الذي يستنزف الغابات
الاستهلاك الزائد للبلاستيك والنايلون
نراكم جميعاً بخير
شكراً لك أيضاً ياريما
فأنت لا تزالين معنا والقارة الأوربية لم تنسيك (طبيعة لا حدود)
أتمنى أن تكوني معنا في المسير الليلي القادم والذي قد يكون الأخير لهذا الصيف
إلى الصديق الذي علق باسم (انبسطوا):
مرحبا ً بك قبل كل شيء….
ويسرنا أن تكتب لنا أنت وأي شخص جاد
ويؤسفنا أن نتأخر بالرد
ومن حقك أن لاتصرح باسمك الحقيقي إن كان ذلك يؤمن لك فضاءً أوسع للكتابة بحرية.
أما ماورد من ردود على حجب اسمك فكل منها يعبر عن رأي صاحبه فقط باستثاء رد مدير الموقع وهو الوحيد الذي يمثل مجلس الإدارة على موقعها الإلكتروني.وسنعيد الحوار معه بهذا الخصوص.
ورأينا بخصوص الأسماء المستعارة بشكل عام:
إن كانت التعليقات جدية وتقدم انتقاداً فلابأس بعدم ذكر الاسم.
أما إن كان التعليق هزلياً فلا نقبله أبداً حتى وإن ذكر الاسم.
وإن كان التعليق عادياً لايتضمن انتقاداً فلا داعي لحجب الاسم أو ذكر أسماء مستعارة هزلية.
حازم سليمان – مجلس إدارة الجمعية
[الطبيعة الليليّة]
في الليل يظن الأنسان ان الطبيعة لا تعني شيءً لو سألته لماذا
ماذا سوف يجاوبك يحتار كثيراً ……….!
انظر من حولك ايّها الللللللل…….. قبل ان تتكلم ففمك حزين لأنهُ كاذب بسببك وعينك إنها حزينةٌ لأنها لم ترى شي في الليل
و جسمك يسهر طوال الليل بدلاً من ان يمشي طوال الليل
من انت ايها اللل…….؟ انت لا تعرف من انت و من هي الطبيعة, الطبيعة هي حياتك ولاتعلمك العيش فقط بل تعلمك العيش بروح
تحث بالحرية المئبدة …………
هل جربت أن تتحد مع الطبيعة وتعانق القمر…لتمتلك الإحساس بالكمال وتتحد مع الاله…
عندما تقبع في صحن من غيهب….
قدر دائري محيطه أفق الأرض…
له غطاء من ضياء…
له مقبض هو القمر…فتحة تنفسه هي نجمة الزهرة…
عندما يدخل رئتاك هواء معبق برائحة الطيون..
وتمشي تمشي لا تريد أن تصل ولا أن يختفي القمر…ولا لينتهي الظلام
شكرا كتير عالمسير الحلو…وبتمنى يكون المسير الجاي قريب وقبل دوام الجامعة اذا امكن….
اتمنى ان يكون الطريق اسهل(مو كلو حجار كبيرة الواحد ما فيه يطلع الا محل الي عم يمشي لانو ممكن يوقع_ ومو كلو طلوع طلوع طلوع)
المسير القادم سيكون يا سالي في ضوء البدر القادم أي 23 أو 24 أيلول حسبما أتوقع.
أما الطريق سيكون أسهل وبيئة خط المسير سنحاول أن نجعلها أجمل.
وأتمنى أن تكوني من المشاركين معنا لأنه قد يكون آخر مسير ليلي في هذا الصيف.
من ناحية أخرى:
صحيح أن المسير الليلي قد ينضوي على بعض المشقة. إلا أنها مشقة لذيذة وممتعة وتشكل لوحةً إضافية من الذكريات التي تسكن الذاكرة مصبوغةً بلون القمر الفضي ولون الأفق الشرقي العقيقي وحمرة النار التي تبث الدفئ في الأوصال قبيل طلوع الفجر في غابة البلوط الصغيرة التي تكاد تعانق غيوم الصيف الهاربة.
وليس لدي أدنى شك بأن كل تلك الصور والأحاسيس تشكل زاداً من الذكريات الخلاقة للقادم من الأيام……..
أحلى تحية طيبة مفعمة بريحة الياسمين الشامي
شلة ريحة غاز (علي ونور وهاني و أمل و مهند)
يقدمون بأحر السلام و الشكر لقائد الرحلة العظيم حازم وعلى أهتمامه الكبير و شغفه بطبيعتناالعظيمة
وأحر السلام لكل المشاركين وخصوصا لسماح و منذر و زيد
مع تحيات شلة ريحة غاز…..
احب ان اشكر جميع الي شاركونا
عنجد كان المسير شغلة وأنبسطنا بهالجمعة الحلوة هي أول مشاركة ألي و أنشالله منشارك دائما
وبحب أشكر السيد حازم و بقول الله لا يحرمنا منك
و أحلى سلام لسماح وبقلى أنشالله نشوفك المسير الجاي.
صباح الخير علي ….صباح الخير هاني……
يسرني أنكم سررت في ذلك المسير ،وأتمنى أن تتمكنوا دائماً من المشاركة معنا
نراكم بحير إن شاء الله
أنا بعترض والله يعني ع راسي البدر وضوءه كمان بس هيك عينك عينك 24الشهر يمكن يكون المسير القادم؟يعني لما تبلش المدرسة صحيح نسبة صغيرة من تبعون المدارس بس كان ممكن ان تتيح ل شي 5 اشخاص يكونو موجودين ع الاقل – مو ع زمتي يكونو 5 ها- ع كل حال مامشكلة انا رحت مسيرين وكتير انبسطت رغم التعب الي تعبتو وبصراحة نعست شوي كمان بس بتضلا اشيا مادية مقارنة مع الاشيا المعنوية الي منكتسبا بهالتجربة القصيرة……..ع كل الاحوال انا بحييكن كلكن ع تعبكن وبالتوفيق…..
مساء الخير للجميع وكل عام وأنتم بألف خير
بصراحة الصور كتير حلوة ان شاء الله نلتقي بالمسير القادم سوا
شذى0
صباح الخير
كنت حابة اقترح على منظم المسير أنو يعمل مسير بالمناطق
الشمالية من مدينة اللاذقية مثلا(مسير من كسب حتى السمرا اللي مثلو فيا مسلسل ضيعة ضايعة)
أو من( وادي قنديل حتى أم الطيور) أو من( خربة سولاس حتى بحيرة 16 تشرين ) هي مجرد اقتراحات طبعا والمناطق جميلة جدا وتستحق الدراسة00000 مع خالص الشكر
على فكرة تعليق ادم كان من تلقاء نفسه لقداحب ان يكتب شعرا عن المسير——–فمارايكم
اكتشفنا مكان للمسير من راس القدموس حيث تقع غابة ارز غاية في الجمال —الى مفرق بلدة الطواحين ——الى الوادي———-الى الجبل المقابل
يا آنسه شذى اول شي اناماني من الاعضاء ولا من المنظمين بس رحت مسيرين وعندي اطلاع ع كل المسر نحنا ع فكرة بجانب انو مناطق جميلة هيي ايضا مناطق شبه نائية يعني يادوب كنا نمشي بطرف قرية وانتي هالمناطق الي عم تقترحيا مناطق سياحة ومثلا كسب والسمرا يادوب فينك تحطي اجرك فيا ف برأيك خرج تاخدي شي 70 شخص مسير لهنيك؟؟؟
سلام للجميع 000
بيوحيلي تعليقك يا SARA أنو عمرك عشر سنوات وهيك
فيي قلك حتى لو ف مو غلط يكون عندك ثقافة جغرافية
و مو غلط شخص يعلق على اقتراح وما عندو الخلفية المعرفية اللي ممكن تغنيه عن تعليق بسيط جدا
أنا دائما مع مقولة أنو الإنسان بيتعلم حتى آخر لحظة بتعمل فيا حواسه وبرأيي مو شرط تكوني شي000 طبعا
بجمعية طبيعة بلا حدود حتى تعبري عن نفسك
ملاحظة:ما عرفت اكتب اسمك بالعربي
وأنا سعيدة بتعليقك هيدا000000
تحية للجميع.
المسير الماضي كان كتير حلو وطبعا الأشخاص بيضيفوا جمال على روعة الأماكن بس ياريت المسير القادم يكون ببيئة مختلفة (يعني التنوع حلو)، صحيح بالليل ماكتير بتتباين المناظر، وعند الفجر بسبب التعب والإرهاق ماعاد نحس بشي ولابروعة المناظر”بس يمكن إذا بلش مسيرنا بالجبل واتجهنا نزولا ًباتجاه البحر وأشرقت الشمس علينا على الشاطئ رح يكون إحساس مختلف” وأكيد التعب أقل!
بمناطق بانياس البحر قريب من الجبل والفكرة معقولة، أوبمناطق شمال اللاذقية.
وياريت المسير القادم يكون مختلف.
مرحبا
كيف الشباب والله اشتقنالكن انشاء الله كان المسير حلو ما متل العاده وانشاء الله المسير الجايي نقدر نكون معكن.
سلام شباب وصبايا وكل عام وانتو بخير بتمنى تكونو انبسطوا بالمشوار وانشاء الله المسير الجايي فينا نطلع معكم.
اهلا ياشذى لان حسيت انك فهمتي كلمة آنسه غلط انا اول شي ماهزئت حدا ولا تعديت ع شي وشو ماكلن عمري انتي اقترحتي شي وعم نتناقش واذا مابدك حدا يعلق عليكي ف ابعتي ايميل خاص للجمعية
واناماغلطت بشي واذا غلطت ف بعتذر
بس شكرا كتير الك
كيفك sara …..
انت ما غلطتي حتى تعتزري (أنا ما بحب اكتب باللهجة العامية )
ولا تعديت ولاشي شو عم تحكي انت 0 أنا كنت روح كل 15 يوم مسير على مدى سنتين مع مجموعة من الأصدقاء وكنا نشوف
الطريق على موقع google earth قبل المسير باسبوع 00و000 و000الخ 00
الفكرة اللي بدي وصللك ياها يمكن وصلت
يعني أنا ما اقترحت شي عن عبث 000
ايميلك تاريخ 8/2010 بفرط من الضحك
مرحبا للجميع
انا والله عجبتني فكرة سارين شي جديد بس انا رح اكتفي بالتعليق بس لأن مارح اقدر بظن اني شارك كتير
بس لفتتني مناطق بانياس كتير بس بظن صعب التنظيم فيا شوي لان بعيدة على المنظمين بس اذا اجا حازم وزيد هالمرة وعطل الموتور بوعدن يكون في مساعدة هههههههههههه
مرحبا
بتنمى تعجلو شوي وتحطو وقت للمسير اذا عنجد بهالاسبوع الجاي ولا شو مشان دوام الجامعة والمدارس
وشكرا
مرحباااا….
الصراحة اكتر شي لفت نظري ….البيوت القديمة والساموك الخشبي يللي من زمان ما شفت متلو ….والتنور….بيستحضرني قول احدهم :
انا مازرت بلاد الغرب كي اكتب قصيدة
ففي بيتنا العتيق وساموكه الخشبي
تنبق اجمل القصائد…..
طبعااا اكيد في شغلات تانية حلوة المناظر وغيرها
واكيد اشتقنالكون ….بشوفكون قريبا
مساكم سعيد0000
إن شاء الله يكون المسير هالمرة بالمناطق الشمالية من اللاذقية وبقترح يصير تصويت بهيدا الموضوع ؛ يعني ما يقتصر التصويت على يوم المسير وبس 0
أنا هيدا رأيي و أنتو شو رأيكم شباب وصبايا؟؟؟
تصبحون على خير
مساء الخير ….
نحترم آراء الجميع. ونتوجه بالشكر لكل من يتقدم بوجهة نظر أو اقتراح…
المسير القادم على الأغلب سيكون ليلة الجمعة – صباح السبت نزولاً عند رغبة من لم يتمكنوا من المشاركة في المسيرين السابقين. وخصوصاً أن هذا المسير غالباً سيكون الأخير لهذا الموسم.
أما المكان( والفكرة ليست نهائية) :
فسيكون في الجنوب -وليس الشمال- في ريف محافظة طرطوس – قرى القدموس – والطول المتوقع للخط 17 – 21 كم
أما المناطق الشمالية يا شذى – مع تقديرنا لمشاركتك لنا على الأقل عبر الموقع، وشكرنا لاقتراحك – سنزورها بالتأكيد ولكن بمسير نهاري خلال هذا الخريف إن شاء الله.
حازم سليمان
منظم المسير الليلي القادم
ملاحظة : الاحتمال الأكبر أنني لن أتمكن من المشاركة في المسير الذي سأنظمه لأنه سيكون ليلة الجمعة. وسيتم تكليف الزميل منذر بتنفيذ المسير.
مساء الخير 0000
شكرا جزيلا لك يا حازم ,
وأنا في انتظار المسير النهاري عسى أن يكون في المناطق
الشمالية 0
احلى حازم شلونك شو اخبارك انشاء الله اتكون مبصوت وشلون الشباب الطيبه معك بل مناسبه انا متشوق لمسير القادم وانشاء الله يكون قريب بس بدي اسئلك شامم ريحت غاز احلا عااااااااااااااااااااااااااااااااالم
السلام عليكم :لقد سبق ان جربت هذا المسير من حلة عارا -حلبكو – المنيزله – الغاب .قبل 20 سنه كان من اجمل الذكريات .الله يرحم صديقي في تلك الرحله .
قرية المنيزلة قرية حلوة
صور جميلة جدا وأنا أدعوكم لزيارة قرية قرن حلية الجبلية الموجودة بجوار قرية المنيزلة و لمزيد من المعلومات عن قرية قرن حلية ( جبل السلام) يمكنكم زيارة موقع قرية قرن حلية على الانترنيت وهو :
alimuh8.freehostia.com/index.htm
انا من المنيزلة وافتخر انني من هذه الضيعة واشكر لكم على اهتمامكم
احلى مناظر والله
وين هىاذي القرية..؟لبنان ولآ سوريآا
لأن عندناا بآلسعودية قرية أسمهاا المنيزلة بعد ~
جميع رحلات الاستكشاف في سورية مالم يذكر خلاف ذلك.